Боловсрол, соёл, шинжлэх ухааны сайд Л.Цэдэвсүрэн их, дээд сургуулиудад хийсэн шалгалтын талаар мэдээлж байна. 

Нийгмийн сүлжээ, хэвлэл мэдээллийн хэрэгслээр нэр бүхий 12 их, дээд сургуулийг салбар яамнаас шалгалт хийж, хаахаар болсон талаар мэдээлэл гараад буй. Тэгвэл дээрх сургуулиудад хийсэн шалгалтаар таван сургуулийг хаах санал гарсан бол гурван сургуульд хэрэгжүүлж буй зарим хөтөлбөрийг зогсоох санал тус тус гараад байгаа аж. 

Харин 2-3 сургууль өөрсдийн шинэ хөтөлбөрийг батлуулахаар уг шалгалтад хамрагдсан бөгөөд 12 сургуулийг хаах талаар гарч буй мэдээлэл ташаа гэдгийг салбарын сайд хэллээ.  Мөн дараа долоо хоногт сургалтын зээлийн талаарх шийдвэр гарах байх гэлээ.