7-р сарын 26-нд 264 хүнд шинжилгээ хийхэд коронавирус илрээгүй. Сөүл-УБ-ын онгоцоор ирсэн 179 хүний гурав дахь шинжилгээгээр, ажиглалтад тусгаарлагдсан давтан шинжилгээгээр коронавирус илрээгүй.

Монголд коронавирусийн 288 тохиолдол батлагдсанаас 218 хүнийг эмчлэн эдгэрүүллээ. 70 хүн эмчилгээнд байгаагийн 64 нь хөнгөн. 

Өнөө өглөө /2020.07.27/ Франкфуртын онгоцоор 266 иргэн ирсэн. Үүнээс сэжигтэй гэж дөрвөн хүнийг, мөн хавьтал гэж дөрөв, нийт найман хүнийг ХӨСҮТ-д тусгаарлалаа. 

ХӨСҮТ-д 250 ор орон бэлдсэн байсан бол одоо орны тоог нэмж 350 болгохоор ажиллаж байна. ХӨСҮТ хувийн хамгаалах хэрэгсэл, эм тарианы нэг сарын нөөцтэй. Дараагийн хангалтууд удахгүй ирнэ. Хангалт ирэх сүүлийн хугацаа 21 хоног гэж мэдээлж байгаа. Цаашид 10, 11 дүгээр сард зориулж хангамжийг татахаар өндөр зэрэглэлд зохион байгуулж байна.

Улс орнууд хил хаагдсанаас олон улс оронд ДОХ-ын эм тасарсан. Манай улс чартер нислэгийн онгоцуудаа маш сайн ашиглаж шаардлагатай эм, хангамжаа авч байгаа. ДЭМБ-ын Зүүн Ази Номхон далайн бүсийн 37 орон байдаг. Бүсийн хурлаар шаардлага эм, эмнэлгийн хэрэгслүүдээ үе шаттайгаар захиалж, тасалдал үүсээгүй орон гэж манай улсыг үнэлсэн гэлээ.