ЭМЯ-наас ээлжит мэдээллээ хийлээ. ХӨСҮТ-ийн захирал Д.Нямхүү “Коронавирусийн сэжигтэй тохиолдол гараагүй. Тохиолдын тоо нэмэгдээгүй. Өнөөдрийн нэг сайн мэдээ нь Франц иргэн эмчлэгдэж эмнэлгээс гарч, дараагийн ажиглалт тусгаарлалтанд шилжлээ. Энэ хүний биеэс коронавирусийг монгол эмч, эмнэлгийн ажилчид зайлуулж чадлаа. Энэ хүн анх их хүнд ирсэн гэдгийг та бүхэн мэдэж байгаа. ХӨСҮТ-д тусгаарлагдан эмчлэгдэж эхэлсэн цагаас дэлхий биднийг харж эхэлсэн. Аль ч улс оронд гадаадын иргэд өвчилж болно. Бид энэ хүнийг эмчилж, эдгээж сайхан хандсаны хариу болгож гадаадын улс орнууд манай иргэдэд хариуг нь барих байх гэж бодож байна. Бусад тохиолдлуудын биеийн байдал тогтвортой байна” гэлээ.