Богдхан ууланд золбин нохой амьтан барьж, хүнрүү ноцсон асуудал гарсантай холбоотойгоор Улаанбаатар хотын Захирагчий ажлын албанаас Богдхан уулын дархан цаазат газрын хамгаалалтын захиргаатай хамтран нохой устгалын ажлыг ирэх Даваа, Мягмар, Лхагва гаригуудад зохион байгуулахаар боллоо.

Устгалын ажлыг Улаанбаатар хотод нохой устгал хийдэг мэргэжлийн 3 компани нэгдэж хамтарсан байдлаар хийх бөгөөд цаашид энэхүү үйл ажиллагааг ууланд амарч зугаалж байгаа иргэдийн аюулгүй байдлыг хангах зорилгоор улирал бүр хийнэ.