​ЭМЯ-ны Шуурхай удирдлагын газрын дарга Д.Нарангэрэл: Манай улс гадаадаас ирсэн иргэдийг 21 хоног тусгаарлаж байна. Тусгаарлалтаас гараад гэртээ 14 хоног өөрийгөө тусгаарлах зөвлөмж өгч байна.

 ЭМЯ-ны Гадаад харилцаа, хамтын ажиллагааны хэлтсийн дарга  Б.Янжмаа:  БНХАУ-д шинэ халдварын 108 тохиолдол бүртгэгдсэнээс 98 нь гадаадаас зөөвөрлөгдөн иржээ. Халдварын хоёр дахь давлагаа үүсэхээс сэргийлж, хилийн хяналтаа чангатгах шийдвэр гаргасан бөгөөд ялангуяа ОХУ-тай хиллэдэг бүс нутгуудад онцгой анхаарал хандуулан ажиллаж байна. Хятад улс гадаадаас ирж буй иргэдийг 28 хоног тусгаарлаж, тусгаарлалтаас гараад гэртээ 14 хоног өөрийгөө тусгаарлаж байна.