Япон Улсаас Монгол Улсад суугаа Онц бөгөөд Бүрэн эрхт Элчин сайд ноён Кобаяаши Хироюки болон албаны бусад хүмүүс МИАТ ТӨХК компанид болон Гүйцэтгэх захирал Д.Баттөрд өөрийн биеэр ирж гүн талархал илэрхийлэв.

Энэхүү уулзалтын үеэр дэлхий нийтийг хамарсан COVID-19 цар тахлын улмаас үүссэн хүнд үед Монгол Улсын Засгийн газар, Улсын Онцгой комиссын шийдвэрийн дагуу Улаанбаатар-Токио чиглэлийн тусгай үүргийн нислэгээр Япон Улсын 130 иргэнийг аюулгүй хариуцлагатай тээвэрлэсэнд талархаж цаашдын хамтын ажиллагааны хүрээгээ улам тэлнэ гэдэгт итгэж байна гэв.

Эх сурвалж:Үндэсний агаарын тээвэрлэгч МИАТ ТӨХК