Монголын бурхан шашинтны төв Гандантэгчинлэн хийдээс цаг үеийн асуудлаар мэдээлэл хийлээ. Энэ үеэр Гандантэгчинлэн хийдийн тэргүүн хамба хулгана жилийн зурлагын талаар ийн ярилаа.

“XVII жарны төмөр хулгана жил гарч байна. Хулгана жилийг Монголын ард түмэн ихэд бэлгэшээдэг. Хувьтай хүн хулгана жил үзнэ гэдэг. Энэ жил сайхан жил гарах янзтай.  

Энэ жил хөгшчүүдэд зөөлөн, залууст хатуу, нялхаст анхаарууштай байна. Дээдсүүдэд ширүүн, жилийн дунд талд бүр ширүүн байх нь. Тиймээс ажилж хөдөлмөрлөж байгаа хүмүүс зөв сайхан ажил хийхгүй бол энэ жил хэцүү байх зурлага харагдаж байна.

Жилийн дунд үед урьд жилүүдээс хур бага байна. Гэхдээ тариа ногоогоо бүрэн авч чадна. Харин мал сүргээ анхаарах хэрэгтэй гэсэн зурлага гарсан” гэлээ.