Монгол болон Австрали улс хоорондын хамтын ажиллагаа сүүлийн жилүүдэд өндөр хурдацтай хөгжиж байгааг МИАТ ТӨХК өндрөөр үнэлдэг. МИАТ-ын хамт олон Австрали улсад тархаад буй гал түймэр нь Австрали улсын хүн ард, байгаль орчин, зэрлэг ан амьтдад ихээхэн хохирол учруулж байгаа мэдээг хүндээр хүлээн авч хувь хүмүүс өөрсдөө олон янзын хандив өргөх арга хэмжээнд оролцож байгаа бөгөөд МИАТ ТӨХК-ийн зүгээс Австрали, Монголын харилцааг хөгжүүлэх зорилготой АустЧам байгууллагын зохион байгуулсан дуудлага худалдаанд 3 тийзийг оруулж олсон орлогыг гал түймрийн сүйтгэлээс сэргээх үйл ажиллагаанд нийт 4.5 сая төгрөгийг хандивлаж байгаагаа дуулгахад баяртай байна.
Австрали-Монголын агаарын тээврийн зах зээл нь сүүлийн жилүүдэд хамгийн өндөр өсөлттэй байгаа зах зээлүүдийн нэг бөгөөд 2 улсын харилцаа зөвхөн бизнес хүрээнээс хальж хувь хүмүүс албан бусаар ихээхэн аялах болсонд МИАТ ТӨХК баяртай байдаг бөгөөд энэ тал дээр цаашид ихээхэн ажил төлөвлөөд байна. Манай компани нь Хонг Конгийн Катай Пасифик нисэх компанитай хамтран Австрали улсын Сидней, Мельбурн болон Брисбан хотуудруу Хонг Конгоор дамжуулан код хуваан эзэмших зарчмаар нислэг үйлддэг бөгөөд нийт АустЧамын гишүүд бөгөөд дуудлага худалдаанд оролцож түрүүлсэн ноён Грэхэм Тэйлор, Леон Коэтцэр болон Скотт МакКован нарт талархалаа илэрхийлж байна.
