Олимпын есөн алтан медалийн эзэн домогт гимнастикчин Лариса Латынина  алдарт Louis Vuitton брэндийн нүүр царай болоод байна. Түүнтэй хамт тус брэндийн сурталчилгаанд АНУ-ын усан сэлэлтийн домогт тамирчин Майкл Фелпс тогложээ. Лариса Латынина Майкл Фелпс нар бол олимпын домог.  Лариса бол олимпын есөн алт, таван мөнгө, дөрвөн хүрэл медальтай.  Харин Фелпс бол олимпын түүхэн дэх 18 алтан медальтай цор ганц тамирчин.  Тэдний тоглосон сурталчилгааны зургийг алдарт Энни Лейбовиц авчээ. Түүний авсан энэ гэрэл зурагт 27 настай Фелпс 77 настай Латынина нар  спортын бэлтгэл сургуулилт амжилтынхаа нууцаас ярилцаж суугаагаар дүрсэлжээ.
Францын энэхүү брэндийн менежерийн ярьснаар энэ цаг үеийн домог түүх болсон  хүмүүсийн тэд ийн мөнхөлж буй гэнэ.

“Тэднийг ийн хамтад нь сурталчилгаандаа тоглуулсан нь  тамирчин хүн гэдэг нэг л зорилго дор нэгддэг гэдгийг л батлах гэсэн хэрэг. Энэ бол мөн  Луй Виттоний үнэт зүйл” гэжээ.
 Гэвч энэ сурталчилгаанаас болж домогт Фелпс Лондонгоос авсан дөрвөн алт, хоёр мөнгөн медалиа хураалгаж болзошгүй байна. Учир нь, Олон улсын олимпын хорооны дүрмээр долдугаар сарын 18-наас наймдугаар сарын 15-ны хооронд Лондонгийн олимпод оролцож буй тамирчид олимпын ивээн тэтгэгчдээс бусад  компанийн сурталчилгаанд тоглох хориотой юм. Харин Луй Виттон сурталчилгаа энэ сарын 13-нд маш олон сайтад ил болсон юм. Гэвч Луй Виттоний зүгээс энэ бол бэлэн болсон сурталчилгаа биш. Манай компаниас алдагдсан гэрэл зураг хэмээн цайруулах гэж зүтгэж буй гэнэ.