Индонез улсын Бали аралд зохион байгуулагдсан Ой тогтоолтын Ази тивийн аварга шалгаруулах нээлттэй тэмцээнд амжилттай оролцож Азийн 3 дахь удаагийн аварга болсон нийт 16 тамирчидаа Академийн удирдлага, хамт олны зүгээс халуун баяр хүргэж, талархал илэрхийлэн хүндэтгэл үзүүлжээ.
Тус үйл ажиллагаанд ОУ-ын Мастер Г.Мянганбаярт Монголын баг тамирчдын 1000 ДАХЬ МЕДАЛЬ-ийн эзэн болсонд баяр хүргэж ӨРГӨМЖЛӨЛ олгосон байна.
Дашрамд дуулгахад тус тэмцээнд 13 орны 133 тамирчид 2 өдрийн турш өрсөлдсөн бөгөөд манай 16 тамирчин ОУ-ын шүүгч, дасгалжуулагч Б.Баасандоржийн хамт амжилттай оролцон 90 медалиас 21 алт, 24 мөнгө, 22 хүрэл буюу нийт 67 медаль хүртсэн сайхан амжилтыг Монгол эх орондоо авчирсан билээ.
Ийнхүү манай баг тамирчид ой тогтоолтын олон улсын 55 дахь тэмцээндээ амжилттай оролцон медалийнхаа тоог 1004 болгож дэлхийн олон дээд амжилтыг шинэчлэн амжилтын буухиагаа алдалгүй үргэлжлүүлсээр ирсэн билээ.
