"Дэлхийн мисс-2012"-ын ялагчаар БНХАУ-ын төлөөлөгч 23 настай Юй Вэншя (Yu Wenxia) тодорсон тухай мэдээллээ. 

Энэ удаагийн тэмцээнд хоёрдугаар байрыг Уэлсийн Софи Элизабет Моулдс, гуравдугаар байранд Австралийн Жессика Мишель Кахавати орсон байна.

"Дэлхийн мисс-2012" тэмцээнд түүхэндээ анх удаа дэлхийн 116 орны гоо бүсгүйчүүд оролцсон юм.

Тодруулга

Одоогоор энэ тэмцээнд хамгийн олон ялсан улс бол Венесуэл юм. Энэ улсын гоо бүсгүйчүүд зургаан удаа дэлхийн мисс болж байсан бол Энэтхэг, Их Британийн гоо бүсгүйчүүд тус бүр таван удаа дэлхийн мисс болж байжээ. Хятад улс тав дахь удаагаа энэ тэмцээний зохион байгуулж байгаа бөгөөд Өвөр Монголын эдийн засгийн хөгжлийг хурдасгах, аялал жуулчлалыг нэмэгдүүлэхийн тулд Ордост зохион байгуулсан ажээ. Үүнээс өмнө Жан Зилинь хэмээх 23 настай Хятад бүсгүй 2007 онд дэлхийн миссээр тодорч байсан юм.