Үндэсний шигшээ баг ДАШТ-ий урьдчилсан шатны эрхийн төлөөх тоглолтуудыг хийсэнтэй холбоотойгоор хэсэг завсарлаад байсан “Мазала” дээд лигийн 07-р тойргийн тоглолтууд амралтын өдрүүдээр явагдана.

Дээд лигийн сонирхолтой тоглолтуудыг санагалзсан хөгжөөн дэмжигчидтэй Монголын Хөлбөмбөгийн Холбооны зүгээс бэлэг болгож 07-р тойргийн таван тоглолтыг үнэ төлбөргүй үзүүлэхээр боллоо.

ДАШТ-ий урьдчилсан шатны эхний давааг амжилттай давсан шигшээ багийн тоглогчдын форм, дээд лигийн багуудын чадварлаг легионеруудын гоёомсог тоглолтыг МХБХ-ны цэнгэлдэх хүрээлэнд хүрэлцэн ирж сонирхоорой.