Үндэсний агаарын тээвэрлэгч МИАТ ТӨХК-ийн 2019 оны 05 дугаар сарын 09-ний буюу Ялалтын баярын өдрийн Улаанбаатар-Берлин чиглэлийн ОМ135 аяллын нислэгийн үеэр нэгэн сонирхолтой үйл явдал болжээ. ОХУ-ын иргэн Виктор Момжиев найз бүсгүй Елена Цуравленад хуримын бөгж өгч гэрлэх санал тавьсан байна. Энэ нь МИАТ компанийн нислэгийн үеэр гэрлэх санал тавьсан анхны тохиолдол аж. МИАТ компанийн захирал Д.Баттөр болон агаарын хөлгийн дарга нар хоёр хосод аз жаргал ерөөгөөд нислэг үйлдэж буй агаарын хөлгийн модель бэлэглэжээ.