Үндэсний их баяр наадмын соёл, урлагийн арга хэмжээг зохион байгуулах төслийн баг шалгаруулах тухай зарыг өнгөрсөн сард Засгийн газрын хэрэгжүүлэгч агентлаг Соёл, урлагийн газар тавьсан билээ. Тэгвэл уран бүтээлчид маань эхнээсээ хүсэлтээ өгчээ. Тодруулбал, ““Hero энтертайнмент” студийн үүсгэн байгуулагч, “Монгол тулгатны 100 эрхэм” нэвтрүүлгийн найруулагч Б.Баатар хүсэлтээ өгсөн тухайгаа өөрийн цахим хуудаснаа бичжээ. Тэрээр “‪Энэ хэдэн хүүхдүүд наадам найруулаад өгье гээд жилийн жилд санал тавих юм. Зарим жил таньдаг санаа наадам дээр амилах жишээний. Адилхан сэтгэж болно л доо. Ноёдууд таалбал гоё нээлт үзүүлье” гэжээ.