БСШУС-ын сайд Ц.Цогзолмааг танхимынхаа эсрэг буюу Засгийн газрын огцруулах бичигт гарын үсэг зурсан, УИХ-ын чуулганы хуралдаанаар Засгийн газрыг огрцуулах асуудлыг дэмжиж кноп дарсан гэх үндэслэлээр олон хүн буруутгаж буй. Тэр бүү хэл огцрох ёстой гэсэн байр сууриа илэрхийлсээр байна. Тэгвэл энэ асуудлаар БСШУС-ын сайд сэтгүүлчдэд тайлбар өглөө. Тэрээр “Шийдвэрээсээ буцах, булзах шаардлага надад байхгүй. Тиймээс би өөрийнхөө гарын үсгийг баталгаажуулж, кнопоо дарсан. Энэ бол миний улстөрчийн шийдвэр. Сая Ерөнхий сайдтай уулзаж ажлаа өгөхөд бэлэн гэдгээ хэллээ. Гэхдээ би өөрөө өргөдлөө өгөхгүй шаардлагагүй. Танхим шийдвэрээ гаргасан байгаа. Ямартай ч бүтэн жилийн хугацаанд энэ салбарын шинэчлэлийн төлөө нойр, хоолгүй ажилласан. Гаргасан шийдвэр, хийсэн ажлын үр дүн цаг хугацааны дараа гарах болно. Ажлын үр дүндээ сэтгэл хангалуун байна” гэв.
