БСШУСЯ, Монголын урлагийн ажилтны холбооноос орон нутгийн театр, чуулгын урын санг арвижуулж, мэргэжлийн ур чадварыг дээшлүүлж, харилцан туршлага солилцуулах зорилгоор уламжлал болгон “Шилдэг бүтээл” улсын уралдаан зохион байгуулдаг билээ. Энэ жилийн “Шилдэг бүтээл-2018” улсын уралдааны зүүн бүсийн шалгаруулалт Дорноговь аймгийн Сайншанд хотын Саран Хөхөө театрт өчигдрөөс эхэлсэн байна.
Зүүн бүсийн Дорноговь, Дундговь, Сүхбаатар, Өмнөговь, Дорнод аймгийн уран бүтээлчид сонгодог, инээдмийн, эмгэнэлт, драмын жүжгийн төрлөөр оролцож байгаа аж.