Монгол, Японы эмэгтэй гэрэл зурагчдын хамтарсан анхны үзэсгэлэн өнөөдөр Монголын театрын музейн кино танхимд нээлтээ хийх гэж байна. Энэхүү үзэсгэлэнг гаргах саналыг Японы гэрэл зурагчин Моцумота Ёшика Монголын эмэгтэй гэрэл зурагчдад тавьжээ. “БҮСГҮЙН МЭЛМИЙ-2” үзэсгэлэнд Японы талаас 2 эмэгтэй зурагчин, Монголын талаас 7 эмэгтэй гэрэл зурагчин бүтээлээрээ оролцож байгаа аж. Мөн үзэсгэлэнд 2018 оны наймдугаар сард Япон улсад зохиогдсон Олон улсын гэрэл зургийн "The 4th international high school students photo festival"-д Монгол Улсаа төлөөлөн багаараа оролцож хоёр дугаар байрт шалгарсан  бүтээлийг дэлгэж байгаа юм байна. Өнөөдөр 12:00 цагт нээлтээ хийх тус үзэсгэлэн энэ сарын 22-ны өдөр хүртэл үзэгчдийн мэлмийг баясгах нь.