Мэргэжлийн сүмогийн 70 дахь ёкозүна Харумафүжи Д.Бямбадорж өөрийн хүсэлтээр зодог тайлахаар шийдсэн билээ.  Энэ  шийдвэрийг нь түүний багш ояката Исэгахама Японы сүмогийн холбоонд хүргэж өгч байсныг уншигчид маань санаж буй биз ээ. Тэрээр нутаг нэгт монгол сүмоч Таканоива А.Баасандоржийг зодож, танхайрсан, сүмогийн нэр хүндийг сэвтээсэн үйлдлийнхээ хариуцлагыг өөрөө хүлээж, ийнхүү зодог тайлахаар шийдсэн байдаг. Тэгвэл түүний зодог тайлах ёслол нь энэ сарын 30-нд болохоор товлогдсон байна. Энэхүү тов нь өнгөрсөн долдугаар сард гарчээ.