Монгол ардын бүжгийн энэ цагийн нэрт төлөөлөгч, Улсын Үндэсний урлагийн их театрын бүжгийн дасгалжуулагч багш, гавьяат жүжигчин Шагдарын Одонтуяа урлагт хайртай, бүжигт дуртай үзэгч түмэндээ зориулан өөрийн бие даасан “УДМЫН ХЭЛХЭЭ” тайлан тоглолтоо хийхээр болжээ. Энэ сарын 30-нд ганцхан удаа болох тоглолтод Зууны манлай бүжиг дэглээч, Төрийн шагналт, Ардын жүжигчин Ц.Сэвжидийн нэрэмжит Бүжгийн чуулгын бүжигчид, Зууны манлай уртын дууч Норовбанзадын нэрэмжит дуучид, “Хөсөгтөн” хамтлагийнхан оролцож ая дуугаа өргөх нь. Тэрээр МУҮУИТ-ын шилдэг бүжигчин төдийгүй олон арван шавь нараа бүжгийн урлагт хөл тавиулсан ачтан юм. 30 дахь жилдээ бүжиглэж байгаа тэрээр монгол ардын бүжгийн урлагийн түүхэн дэх цөөн эмэгтэй гавьяатын нэг билээ.