Монгол Улсын Хөдөлмөрийн баатар, Монгол Улсын гавьяат тамирчин, "Миягино" дэвжээний их аварга Хакүхо М.Даваажаргал Ёкозүна цолтой 800 дахь ялалтаа авч урьд өмнө ямар ч их аварга хүрч байгаагүй агуу амжилтын эзэн болов. Тэрээр Аки башёгийн 8 дахь өдөр давсанаар 45 дахь удаагаа уналгүй качикоши хийж ёкозүна цолтой 800 давсан нь энэ. Хакүхо аваргын хувьд Макүүчид 994, карьерынхаа 1088 дахь даваа нь байв. Тэрээр 44 удаа уналгүй качикоши хийхдээ 31-т нь түрүүлж байжээ.

Энэ дашрамд сонирхуулахад, Монгол Улсын гавьяат тамирчин "Изүцү" дэвжээний ёкозүна Какүрюү М.Ананд маань 7 дахь удаагаа уналгүй качикоши хийж 2 аварга маань башёг уналгүй тэргүүлж байна.