Мэргэжлийн хяналтын ерөнхий газраас эм, эмнэлгийн хэрэгсэл, биологийн идэвхт бүтээгдэхүүний чанар, аюулгүй байдал, хууль бус худалдаалалтын байдалд улсын хэмжээнд урьдчилан сэргийлэх хяналт шалгалт хийжээ.
Үүнд эм, эмнэлгийн бүтээгдэхүүн худалдаалах тусгай зөвшөөрөлтэй 194 эмийн сан, 17 эм ханган нийлүүлэх байгууллага, 14 эмнэлэг хамрагдсан байна. 

Шалгалтаар улсын бүртгэлд бүртгэгдээгүй болон бүртгэлийн загвараас зөрүүтэй, хэрэглэх хүчинтэй хугацаа дууссан 79 нэрийн, 2.5 сая төгрөгийн эм, биологийн идэвхт бүтээгдэхүүнийг илрүүлэн, хурааж устгалын комисст шилжүүлжээ.
Зөрчил гаргасан байгууллага, албан тушаалтанд нийт 4.6 сая төгрөгийн шийтгэвэр ногдуулж, 80450 төгрөгийн нөхөн төлбөр тавив.
Мөн хяналт шалгалтанд хамрагдсан байгууллага, аж ахуйн нэгжийн мэргэжилтэн, ажилтнуудад мэргэжил, арга зүйн зөвлөгөө өгсөн байна.