Сэлэнгэ аймгийн Ерөө сумын Бугант багийн “Шарлангын гол” гэдэг газарт гарсан  түймрийг ОБЕГ-ын алба хаагчид цурманд оруулсан ч зүүн урд хэсгээсээ дахин ассан тухай урд мэдээлсэн билээ. Уг түймэр  шиврээ бороонд унтарч   захаараа бага зэрэг уугиж буй аж. Түймэр гарсан хэсэгт унанги ихтэй байгаа тул цэвэрлэгээ хийж байгаа аж.
Булган аймгийн Хутаг-Өндөр сумын Хантай багийн Баянгол Бэлсэг хэмээх газарт ойн түймэр асчээ. Энэ газар сумын төвөөс зүүн зүгт 115 км-т оршдог. Уг түймэрийг цурманд оруулж бүрэн унтраахаар ажиллаж байна. Нийт 20 га талбай түймэрт өртжээ.
 Увс аймгийн Сагил сумын Үүрэг нуур багийн “Харгайтын хэрц”хэмээх  газарт Улсын хилийн 92 дугаар тэмдэгтийн чиглэлд хээрийн түймэр гарчээ. Энэ газар сумын төвөөс баруун хойд зүгт 130 км оршдог аж. Түймрийг тус аймгийн Онцгой байдлын газрын Гал түймэр унтраах, аврах 41 дүгээр ангийн 12 алба хаагч, Хилийн 0245 дугаар ангийн 15 алба хаагч, орон нутгийн 38 иргэн, нийт 65 хүн, 6 автомашинтай ажиллаж бүрэн унтрааж тус сумын Засаг даргын Тамгын газрын даргад хүлээлгэн өгсөн байна.