МҮЭ-ийн холбооноос тавдугаар сарын 30-нд Сангийн яам, ХНХ-ын яам, БСШУCЯ-ны үүдэнд цуглаан хийж, төрийн албан хаагчдын цалин хөлс, бодит орлогыг нэмэгдүүлэх арга хэмжээний санал боловсруулах үүрэг бүхий хамтарсан ажлын хэсгийн санал дүгнэлтийг яаралтай гаргаж шийдвэрлүүлэхийг дахин шаардлаа. Өнөөдрийн шаардлагын хариуд хамтарсан ажлын хэсгийн ахлагч Сангийн яамны газрын дарга Ж.Ганбат “холбогдох дөрвөн яамдын хамтарсан ажлын хэсгээс энэ долоо хоногтоо багтааж нэгдсэн шийдвэрээ сайд нарт эцсийн байдлаар танилцуулж, МҮЭ-ийн холбоонд албан ёсоор ирэх долоо хоногийн нэгдэх өдөр буюу зургадугаар сарын 4-нд хариуг өгнө” хэмээн мэдэгдлээ.