Японы NHK телевиз Монгол Улсын төрийн үйлчилгээний албан хаагчид болох эрүүл мэнд, боловсрол, соёл урлагын салбарын ажилтнуудын цалин нэмэгдүүлэх талаар хийж буй жагсаал, цуглаан, ажил хаялтын өмнөх суулт, ажил хаялт болон тулгамдсан асуудлаар 28 минутын нэвтрүүлэг бэлтгэхээр ирж, нэлээд олон багш, ажилчдаас ярилцлага авчээ. Тэмцэл хийх болсон шалтгаан, гарах гарцын талаар Монголын Эрүүл мэндийн ажилтны ҮЭ-ийн холбооны дарга Б.Мягмар дэлгэрэнгүй ярилцлага өгсөн байна.