Өнөөдөр Сүхбаатар дүүргийн малтай айл өрхийг хотоос гаргах ажлын хэсгийн ээлжит хурал боллоо.
Хурлаар ажил хариуцсан хэлтсүүд, хороод өнгөрсөн 7 хоногт хийж гүйцэтгэсэн ажлын явц, үр дүнг танилцууллаа. Одоогоор дүүргийн хэмжээнд 57 өрхийн 1238 малыг нүүлгэн шилжүүлээд байна.
19 болон 20 дугаар хорооны нутагт тус бүр нэг нэг хашаанд хариулгагүй бэлчиж байгаа малыг хашиж, Мэргэжлийн Хяналтын хэлтэс, Цагдаагийн хэлтсээс торгуулийн арга хэмжээ авч, малыг зөвшөөрөгдсөн бүс рүү шууд гаргахыг ажлын хэсгийн дарга Ц.Шижир үүрэг болголоо.