Өнгөрсөн бямба гарагт төв замыг хааж "Автомашингүй өдөр" болгон тэмдэглэн өнгөрүүлсэн. Энэ өдөр 10.45 цагт СБД-ийн нутаг дэвсгэр Нарны зам дагуу Урбанекийн уулзвар дээр цагдаагийн алба хаагчийн тавьсан хууль ёсны шаардлагыг биелүүлээгүй иргэний бичлэг цахим хуудаснаа тархаж багагүй шүүмжлэл дагуулсан билээ. Тэгвэл түүнийг тавьсан шаардлага биелүүлээгүй гэдэг үндэслэлээр 250.000, явган хүний замаар автомашинтай явсан зөрчилд нь 20.000 төгрөгөөр тус тус торгож арга хэмжээ авчээ.