Монгол Улсын соёлын элч дуучин, МУГЖ, УДБЭТ-ын гоцлол дуучин бидний бахархалт хүү, дэлхийн шилдэг сонгодог дуучдын нэг Э.Амартүвшин дэлхийн сонгодог урлагийн давцанд дахин шилдэг гэдгээ баталж, ОХУ-ын Большой театрын тайзнаас олон улсын сонгодог хөгжмийн "BROVA" шагналыг гардан авчээ. Ийнхүү тэрээр тус шагналын эзэн болсноор "Монголын соёл урлаг" -ийн нэр хүндийг дэлхий даяар алдаршуулах томоохон алхмыг дахин хийв. Монголын ард түмэн, Монголын соёл урлагийн салбарынхан, УДБЭТ-ын хамт олон Э.Амартүвшингээрээ бахархан сэтгэл догдлон сууж байна. Дэлхийн түвшинд "Монгол" гэдэг агуу нэрийг өөрийн хүч хөдөлмөр, авьяас чавдараараа удаа дараа дуурсган яваа МУГЖ УДБЭТ-ын гоцлол дуучин Э. Амартүвшиндээ илүү их амжилтыг хүсэн ерөөе.