Польшийн нийслэл Варшав хотноо жүдо бөхийн Европын эмэгтэйчүүдийн нээлттэй тэмцээн болж, манай хоёр жүдоч алт, мөнгөн медаль хүртлээ. Тухайлбал ОУХМ Эрдэнэцогтын Гэрэлмаа Австри, Франц, Герман, Туркийн тамирчдыг ялснаар Варшавын тэнгэрт төрийн дуулалаа эгшиглүүлсэн байна. Харин ОУХМ Бишрэлтийн Хорлоодой маань Беларусь, Украин, Алжирын бөхчүүдийг ялснаар мөнгөн медаль хүртлээ. Тэрээр аваргын төлөө хэдхэн хоногийн өмнө Дюссельдорфын их дуулгаас мөнгөн медаль хүртсэн Польшийн Каролина Пиенковскад ялагджээ.