Нийслэлд  98, 99  насны сүүдэр зооглож байгаа 56 ахмад настан байна.   Нийслэлийн Засаг дарга бөгөөд  Улаанбаатар хотын Захирагч  С. Батболд эдгээр ахмадуудад XVII жарны "Тийн унжлагат" хэмээх шороон нохой жилийн мэндчилгээ дэвшүүлж  хүндэтгэл үзүүлэв.  Нийслэлийн Засаг даргын Тамгын газрын хэлтсийн дарга болон агетлагийн дарга нар ахмад настаны гэрт нь очиж, хотын даргын мэндчилгээг уламжилж байгаа юм.
Сүхбаатар дүүргийн 15  дугаар хорооны иргэн , өндөр настан Н.Пагамжав гуай  энэ жил  99 нас хүрч байна.  Өндөр настан Н.Пагамжав Булган аймгийн Хутаг-Өндөр суманд төрсөн, гавьяаныхаа амралтад гарах хүртлээ саальчин хийж байсан.  Найман хүүхэд төрүүлэн өсгөсөн алдарт эх, азай буурлыг хүндэтгэн өнөөдөр  НИТХ-ын төлөөлөгч Г.Төмөрбаатар, НЗДТГ-ын ХМОНХХ-ийн дарга Э.Дагиймаа нар хотын даргын мэндчилгээг уламжилан хүндэтгэл үзүүллээ.