Дорнод аймгийн Баян-Уул сумын 1 дүгээр багийн Зүрхийн даваа гэдэг газар өчигдөр хээрийн түймэр гарчээ. Түймэр гарсан газар сумын төвөөс хойд зүгт 50 км, Хилийн цэргийн “Ульхан” заставаас зүүн зүгт 4 км-т орших аж.
Тус аймгийн  Онцгой байдлын газрын Гал түймэр унтраах, аврах 53 дугаар  ангийн 12 алба  хаагч, Хилийн цэргийн 11 алба хаагч, орон нутгийн 4 хүн мөн өдрийн 19:40 цагт түймрийг бүрэн унтраасан байна. Ингээд  Хилийн цэргийн  “Ульхан” заставын удирдлагуудад түймэрийн унтарсан цурамыг хариуцуулан өгчээ.