2018 оны 1 дүгээр сарын 07-ны өдөр 19 цагийн орчим СХД-ийн нутаг 61-ын гарам дээр 3 автомашин мөргөлдөж 3 хүн гэмтсэн,
СХД-ийн 21 дүгээр хорооны нутаг Партизаны замд 2 автомашин мөргөлдөж 1 хүний амь нас хохирч, 4 хүн гэмтсэн осол бүртгэгджээ. Орон нутгийн замуудад их хэмжээний цас орж, хүчтэй цасан шуурга шуурч, хальтиргаа гулгаа үүссэн, тээврийн хэрэгсэл зорчиход хүндрэлтэй, зарим даваа гүвээ хаагдаж байгаа тул иргэд та бүхнийг онцын шаардлагагүй бол хөдөө, орон нутгийн замд зорчихгүй байхыг Автотээврийн үндэсний төвөөс анхааруулжээ. Түүнчлэн Улаанбаатар - Дархан, Эрдэнэт, Сэлэнгэ, Булган, Улаанбаатар - Төв, Өвөрхангай, Баянхонгор, Өмнөговь, Говьсүмбэр чиглэлийн автозамуудад хүчтэй цасан шуурга шуурч, хальтиргаа гулгаа үүссэн, үзэгдэх орчин хязгаарлагдсан байгаа тул орон нутгийг зорих иргэд анхаарал болгоомжтой зорчихыг мөн зөвлөсөн байна.