Чөлөөт бөхийн 2018 оны насанд хүрэгчдийн Улсын аварга шалгаруулах тэмцээн нэгдүгээр сарын 11-14-нд Орхон аймгийн "Хангарьд" спорт хорооны спорт зааланд зохион байгуулагдахаар болжээ. Эрдэнэтчүүд хамгийн сүүлд 2003 онд УАШТ-ийг аймагтаа зохион байгуулсан бөгөөд 15 жилийн дараа дахин шилдгүүдийг аймагтаа хүлээн авах гэж буй нь. ДБНХ-ны шинэ оноос хэрэгжиж эхлэх эрэгтэйчүүдийн 57, 61, 65, 70, 74, 79, 86, 92, 97, 125, эмэгтэйчүүдийн 50, 53, 55, 57, 59, 62, 65, 68, 72, 76 гэсэн тус бүр 10 жинд аваргуудаа тодруулах юм байна.