Нийслэлийн цагдаагийн газраас архидан согтуурахтай тэмцэх, урьдчилан сэргийлэх чиглэлээр  2017 оны эхний 11 сарын байдлаар 737 арга хэмжээ зохион байгуулжээ. Үүнийхээ үр дүнд цагийн хуваарь хэтрүүлсэн, архигүй өдөр архи согтууруулах ундаа худалдан борлуулж, түүгээр үйлчилсэн, 21 насанд хүрээгүй хүнд архи худалдсан, үйлчилсэн 14 аж ахуйн нэгжийн тусгай зөвшөөрлийг түдгэлзүүлж, хүчингүй болгуулжээ.
Нийслэлийн хэмжээнд 2017 оны эхний 11 сард согтуугаар үйлдэгдсэн гэмт хэрэг -37.1 хувиар, архидан согтуурахтай холбоотой  дуудлага, мэдээлэл -18.9 хувиар буурсан үзүүлэлттэй гарчээ.
Шинэ жилийн баяр болж байгаатай холбогдуулан тус цагдаагийн газраас хяналт шалгалтын ажлыг эрчимжүүлж, цаг хэтрүүлэн ажиллаж буй аж ахуйн нэгжийн зөрчлийг таслан зогсоож, гэмт хэрэг, зөрчил, аливаа эрсдэлээс урьдчилан сэргийлэх чиглэлээр мэдэгдэл өгч, үр дүнг тооцон ажиллаж байгаа юм байна.