2007 онд Бразилийн Сан-Паула хотын нисэх буудалд осолдсон нислэгийн  “ТАМ” компанийн онгоцны ослоор амь үрэгдсдийн гэр бүлд “Airbus” концерн 30 сая реаль буюу 9,1 сая ам.долларын нөхөн олговор олгохоор болжээ. Энэ тухай  “Aviacion al Dia”-гийн эх сурвалжийг үндэслэн мэдээлсэн байна. Энэ ослын улмаас 199 хүн нас барсан юм. Airbus концерн амь үрэгдсэн 93 хүний гэр бүлтэй холбогдож, зөвшилцөлд хүрсэн бол 33 хүний ар гэрийнхнийг эрэн сурвалжилж буй аж. 

Тодруулбал 2007 оны долдугаар сарын 17-ны өдөр Порту Алегригаас Сан-Паула орох нислэг хийж байсан “Airbus-320” онгоцны баг “Конгоньяс” нисэх буудалд газардаг үедээ осолдож, хүчтэй гал гарсны улмаас 199 зорчигч амиа алдсан юм.