Хятадын Сычунь мужийн баруун хойд хэсэгт орших дэлхийн хамгийн эртний 16 давхар модон сүм өчигдөр галд өртөж, устсан тухай “Жэньминь жибао”-ийн эх сурвалжаар дэлхийн томоохон мэдээллийн агентлагууд мэдээллээ. Харамсалтай нь сүмийг аварч чадаагүй гэнэ. 

4 цагийн дотор цамхаг бүрэн шатаж устаж үгүй болсон бөгөөд мөргөлийн хоёр танхим ч шатсан аж. Одоогоор галын шалтгаан тодорхойгүй, мөрдлөг эхлээд байгаа гэнэ. Галын улмаас хүний амь эрсэдсэн тухай мэдээлэл байхгүй гэжээ. 

Мин улсын /XIV-XVII зуун/ үед баригдсан гэгддэг энэ сүм 2008 онд газар хөдлөлд өртөж, нэлээн эвдэрсэн аж. Галд өртөх үед тус сүмийг сэргээн засах ажил хийгдэж байжээ.