"Нийтээр тэмдэглэх баярын болон тэмдэглэлт өдрүүдийн тухай" хуулийн дөрөвдүгээр зүйлийн 1.8-д жил бүрийн өвлийн тэргүүн сарын шинийн 1-ний өдрийг Их эзэн Чингис хааны мэндэлсэн өдөр буюу “Монгол бахархлын өдөр” болгон тэмдэглэж байхаар заасан.

Энэ сарын 19-нд өвлийн тэргүүн сарын шинийн 1-ний өдөр тохиож буй учир “Хилийн боомт тэдгээрийн дэглэмийн тухай” Монгол Улс, БНХАУ-ын Засгийн газрын 2004 оны хэлэлцээрийн 4.3-т заасны дагуу Монгол, Хятадын хилийн авто замын боомтууд амарна.  Харин олон улсын галт тэрэг болон нисэх онгоц хуваарийн дагуу зорчих юм байна.