Багш нарын цалинг нэмүүлэх түр хорооныхон хэдхэн минутын өмнө хэвлэлийн хурал хийв. Энэ үеэрээ арав гаруй хоногийн турш гурван яамны төлөөлөлтэй хамтран хэлэлцээр хийснийхээ үр дүнг тайлагнасан юм.

Гурван сар багш нарын цалинг нэмүүлэхийн төлөө тэмцсэн тэмцлийнхээ үр дүнд 11, 12 дугаар сард сургуулийн өмнөх боловсролын байгууллага, ерөнхий боловсролын сургуулиудын бүх багш, ажилчид 516 мянган төгрөгийг бодит орлоготой болж чадлаа гэж байсан юм.

Энэхүү мэдээллийг өнөөдөр БСШУСЯ-наас түр хорооныхонд хүргүүлсэн байна. Ямартай ч нэг удаад олгогдох энэхүү 516 мянган төгрөгийг 11, 12 сард хувааж олгох нь.

Мөн 2018 онд багш нарын цалинг нэмүүлэхийн тулд олон хэлэлцээрт сууна, цаашид ч хамтран ажиллана гэлээ. Харин ажил хаялтын тухайд бол ҮЭ-ийн асуудал гэв.