Британийн хатан хаан II Елизавета офшор бүст 10 сая еврогийн хөрөнгө оруулалт хийснийг Олон улсын эрэн сурвалжлах сэтгүүлчдийн консерциумаас ил болгосон “Paradise Papers”-ийн эх сурвалжаар “БиБиСи” мэдээлжээ. Тодруулбал, 2004, 2005 онд хатан хааны хувийн санхүүг хариуцдаг "герцог Ланкастер" сангаас Бермудын болоод Кайманийн аралд бүртэлтэй хоёр ч офшор компанид хөрөнгө оруулалт хийсэн байна. Тэд офшор компанийн нэгээр дамжуулан Британийн хоёр компанийн хувьцааг худалдаж авсан гэнэ.
Герцогийн сангийн эх сурвалжийн хэлснээр хатан хаан ямар ч хууль зөрчөөгүй  аж. Мөн хатан хаан ном журмаар татвараа тогтмол төлдөг гэжээ.
Өмнө нь Олон Улсын эрэн сурвалжлах сэтгүүлчдийн консорциумаас дэлхийн олон орны нөлөө бүхий улстөрчийн офшор бүс дэх хөрөнгийн мэдээллийг нийтэд ил болгож байсан юм.