Монгол Улсад архивын салбар үүсч хөгжсөний 90 жилйн ойг угтан Монгол төрийн архивын үйл ажиллагаа, түүхэн замнал, хөгжил дэвшлийг олон нийтэд сурталчлан таниулах зорилгоор “Орчин цагийн төрийн архив-90 жил” нээлттэй хаалганы өдөрлөгийг орон даяар зохион байгуулж байна

Архивын ерөнхий газраас өнөөдөр 10:00-16:00 цагийн хооронд Үндэсний төв архив, салбар, төрөлжсөн, аймаг, нийслэл, төрийн бүх архивууд дээр нээлттэй өдөрлөг явуулах юм.
Энэ үеэр төрийн архивын үйл ажиллагааг байгууллага, иргэдэд сурталчлан таниулах, архивын баримтын дээжээр үзэсгэлэн гаргах, архивын лавлагаа үйлчилгээ үзүүлэх, төрийн архивын үйл ажиллагааны талаар байгууллага, иргэдийн санал хүсэлтийг сонсох, санал асуулга авах, архивт хадгалагдаж байгаа кино, гэрэл зураг, дуу авианы баримтыг нийтэд дэлгэн үзүүлэх зэрэг олон үйл ажиллагаа болох тул иргэд зорин очиж үйлчлүүлэх боломжтой аж.