АНУ-ын засаг захиргаа олон нийтийн мэдээллийн хэрэгсэл, хэвлэлүүд, сэтгүүлчдийг шүүмжилж байгаагаа зогсоохыг Европын Аюулгүй байдла, хамтын ажиллагааны байгууллагын Хэвлэлийн эрх чөлөөний төлөөлөгч Арлем Дезир АНУ-ын Төрийн департаментын тэргүүн Рекс Тиллерсонд илгээсэн захиидалдаа дурджээ.

Захидалд наймдугаар сарын 22-нд Финикст болсон цуглаан дээр АНУ-ын ерөнхийлөгч Дональд Трамп хэвлэл мэдээллийн хэрэгслүүдийг шүүмжилж “Жинхэнэ есзүйгүй”, худал хуурмаг”, “маш муу”, түүхийг гуйвуулдаг гээд цааш нь америкийн нийгмийг дотроос нь хагалан бутаргаж байна гэснийг иш татан онцолжээ.

“Олон нийтийн хэвлэл мэдээллийн хэрэгсэл рүү ингэж дайрахаа зогсоохыг АНУ-ын засаг захиргаан уриалж байна” гэж Европын аюулгүй байдал хамтын ажиллагааны байгууллагын төлөөлөгч мэдэгдэлдээ дурджээ.

Дезира мөн Трампын энэ мэдэгдэл нь хэвлэл мэдээлэл, сэтгүүлчдийн зүг хүчирхйилэл, хатуу харгис хандлага төрүүлж мэдэх юм гэсэн байна.