Монгол Улс шинээр сонгогдсон  ерөнхийлөгчийнхөө үед Хятадын нөлөөллийг хязгаарлаж  харин ОХУ хөрөнгө оруулах шинэ боломжтой болно гэж ОХУ-ын ШУА-ийн Алс Дорнодын хүрээлэнгийн захирал Сергей Лузянин үзэж байна.
Шинжээчийн үзэж байгаагаар бол Монгол Улсад болсон ерөнхийлөгчийн сонгуульд ялаад байгаа Халтмаагийн Баттулга хятадын эсрэг үзлийг дэмждэг нэгэн гэнэ.
“Хятадын эсрэг үзэл бол монголын ард түмний сэтгэл зүрхэнд хэдэн зууны турш хуримтлагдсаар улам бэхэжсээр ирсэн. Энэ утгаараа Баттулга төрийн эрхэнд гарч ирээд хятадын нөлөөлөл, хятадуудын нэвтрэх бодлогыг юуны өмнө ямар нэг хэмжээгээр хязгаарлана” гэж эрдэмтэн хэлжээ.

Лузяниныхаар бол монголын эдийн засаг дахь хятадын нөлөө ялангуяа стратегийн ач холбогдолтой нүүрс, зэс, алт мөнгө, ураны ордуудад илүүтэй юм байна. “Монголын энэ орд газрууд маш үнэ цэнэтэй, стратегийн ач холбогдолтой юм” гэж шинжээч хэлсэн байна.
Дорно дахины орнуудыг хариуцсан мэргэжилтэн бас Баттулга Хятадтай харилцаагаа бүр тасалчихгүй, гагцхүү Хятадаас импортын  маш их хамааралтай байдлыг тэвчихгүй байгаа юм гэжээ.
Лузянин мөн  монгол хятадын харилцаа сулраад ирэхийн цагт Орос-Монголын харилцаа бэхжих шинэ боломж гарч ирэн “хөрөнгө оруулалтын хэд хэдэн цонх” бий болж байгааг тэмдэглэсэн байна хэмээн ren.tv мэдээллээ.