Амралт зугаалгын улирал эхэллээ. Монголчууд дотоодын аялал жуулчлалаас илүүтэйгээр гадаадын аялал жуулчлалын үйлчилгээнд хамрагдах нь их болжээ.
Магадгүй танд илүү сонирхолтой байж болох хэдэн хэдэн зочид буудлын үйлчилгээний шинэ шийдлүүдийг сонирхуулья.
Attrap’Reves бол Дээд Провансын ууланд байдаг буудал /Франц/
Энэ буудлын өрөө нь савангийн хөөс мэт хэлбэртэй бөгөөд гэрэлтдэг материалаар хийгдсэн. Өдөртөө нарны халуун туяанаас хамгаалж, шөнө нь элдэв амьтан дуу чимээнээс тусгаарлаж чаддаг. Өвсөн дэвсгэртэй бөгөөд холыг харах дурантай. Мөн цилиндр хэлбэртэй хоолойгоор гадагш гардаг.
Энэ буудлын өрөөнүүд нь далайн эргээс 250 метрт усны мандал дээр байдгаараа бусдаас ялгардаг. Том цэлгэр цонхоороо гадаад тэнгисийг шууд харах боломжтой юм
Poseidon Undersea Resort / Фижи арал/
Энэхүү гайхамшигт буудлын 74 өрөөний 25 нь далайд 25 метр гүнд байршдаг. Гэрлээ асаагаад та далайн гүн орших үзэсгэлэнт байгаль, зэрлэг амьтдыг харах боломжтой.
Arctic TreeHouse Hotel. / Финландын Лапландя/
Өвлийн улиралд дуртай бол та энэ буудалд тухла. Туйлын туяаг харангаа модон байшинд галын дэргэд суугаад амрахыг танд санал болгодог. Энэхүү буудлаас холгүйхэн Сантагийн тосгон байдаг.
Jumbo Stay /Швед Стокгольм/
Нийт 29 өрөө бүхий энэ буудлыг хамгийн өндөр үнэтэй өрөө нь нисгэгчийн бүхээг юм.
Skylodge Adventure Suites /Перу Урубамба/
Хаданд дунд байрлуулсан гурван ширхэг өрөөтэй энэ зочид буудал нь эрсдэлтэй аялал дурлагсдад зориулагдсан гэж хэлж болно. Газраа 120 метр өндөрт байрлуулсан шилэн өрөөнүүдээс гадаад байгалиа нэвт тольдох боломжтой юм.
Sheraton Huzhou Hot Spring Resort /Хятад Хужоу/
27давхар, хагас дугуй хэлбэр бүхий хоёр
хэсгээс бүрдсэн энэ зочид буудлын дизайн бол дэлхийд гайхагдаж байна. Дэлхийн
хамгийн үнэтэй 10 зочид буудлын нэг болсон итус буудлын гадаад үзэмж олон хүний
анхаарлыг зүй ёсоор татдаг.
Treehouse Lodge / Перу/
Шувууны үүрийг санагдуулам өрөөнд тухлаж, ойн ширэнгэд нэг хоноод үзэхийг хүсвэл Перуг зорь. Ширэнгийн амьтдын дуу чимээг үүнээс өөр хаана ч ингэж мэдрэх нь юу л бол.
Treehotel Харадс/ Швед/
Үнэхээр гайхамшигтай зочид буудлын нэг шийдэл. Та хүсвэл модон дээр байрлах битүү шилэн өрөөнд орж, гадаад орчноо шууд харах боломжтой. Эсвэл шувууны үүр шиг модон өрөө, гадуураа битүү толин харь гаригийг хөлгийг санагдуулам өрөө ч бий. Зөвхөн таны сонирхол л аль өрөөнд нь тухлахыг шийднэ.
Эко-буудал LeapRus
Кабардино-Балкария /Орос/
Далайн төвшнөөс 3912 метрийн өндөрт байрлах энэ зочид буудлуудын өрөөний үнэ өртөг өндөртөө орно. Хамгийн гол нь цаг агаарын мэдээнээс шалтгаалж та энэ буудалд хэдэн өдөр тухлах эсэх нь шийдэгддэг. Тиймээс эхлээд цаг уураас нарийн мэдээлэл авах ёстой. Сансрын хөлгийг санагдуулам өрөөнүүд бүхий энэ буудал жинхэнэ амралт хүссэн хүмүүст зориулагдсан байна. Эсвэл бусдаас тасарч ажлаа хийхийг хүсвэл энд ирж бас болно гэнэ шүү.
