Монгол Улсын Ерөнхийлөгчийн сонгуулийн санал хураалтын өдөр энэ сарын 26-нд болно. Үүнтэй холбогдуулан сонгогчийн шилжилт хөдөлгөөнийг өнөөдрөөс эхлэн 14 хоногийн хугацаанд орон даяар зогсоолоо. Энэ нь байнга оршин суудаг газрынхаа сонгогчдын нэрсийн жагсаалтаас хасуулан өөр газар санал өгөхөөр бүртгүүлэхийг хориглож байгаа хэрэг.

Хэрэв энэ хугацаанд шилжин ирсэн гэсэн сонгогчийг нэрсийн жагсаалтад бүртгэсэн сонгуулийн байгууллагын ажилтныг нэг сарын хөдөлмөрийн хөлсний доод хэмжээг зургаагаас найм дахин нэмэгдүүлсэнтэй тэнцэх хэмжээний төгрөгөөр торгох, төрийн албан хаагчийг төрийн албанаас халах гэсэн хариуцлага хүлээх юм байна.

Сонгууль дууссаны дараа буюу энэ сарын 27-ноос эхлэн иргэдийн шилжих үйл явц хэвийн үргэлжилнэ.