ОХУ-ын Татарын эрдэмтэд энэ тавдугаар сарын 29-нд “ТАТАР” гэдэг үг анх үүссэний 1285 жилийн ойг тэмдэглэн өнгөрүүллээ. Татарын Маржанийн нэрэмжит Түүхийн хүрээлэнгийн албан ёсны сайтад тэмдэглэснээр бол “ТАТАР” гэдэг үг анх 732 онд үүссэн байна.

1285 жилийн өмнө “ТАТАР” гэдэг үгийг өнөөгийн монголын нутагт байгаа Туркийн хоёрдугаар ханлиг Кюль-тегиний дурсгалд зориулсан гэрэлт хөшөөн дээр анх сийлсэн байдаг гэнэ. Энэ гэрэлт хөшөөн дээр “кокуз-татар”,  “отуз-татар” гэсэн омгийн тухай бичиж үлдээсэн байгаа юм байна. Хятадын цагаан хэрэм хүртэл, өнөөдрийн монголын нутагт  нутаглаж байсан энэ омгууд нь  дорнод хүннүчүүдээс гаралтай гэж татарын эрдэмтэд үздэг юм байна.

Өнөөдөр ОХУ-д 5 сая 310 орчим мянган татар үндэстэн амьдарч байгаа нь нийт хүн амын нь 3,87 хувийг эзэлж байгаа юм.