Чехийн нийслэл Прага хотын Жижковын дүүрэгт орших телевиз радиогийн цамхаг бол манай гариг дээрх телевизийн цамхгуудаас нэлээн өвөрмөц байгууламжийн тоонд зүй ёсоор орно.

1985-аас 1992 онд барьсан 216 метр өндөр гарааны талбай дээр байгаа пуужин төрхтэй энэ цамхаг улсынхаа хамгийн өндөр байгууламж.

Гурван бетонон баганаас  бүрдэх энэ цамхаг дээр телевиз радиогийн нэвтрүүлэх төхөөргүүдээс гадна зоогийн газар, кафе ажиглалтын гурван ч тасалгаа  бий. Цамхгийн цахилгаан шат нь секундэд 4 метр хурдална.

Хамгийн сонирхолтой нь энэ цамхгийн баганууд дээр чехийн нэрт барималч Давид Чернын урласан мөлхөж яваа бяцхан жаалын 10 баримлыг байрлуулсан байдаг.

Жилдээ өөрийн оршин суугчдаасаа 10 дахин олон жуулчин хүлээж авдаг Прага хотын үзэж сонирхох, жуулчдын хөлхөх дуртай газрын нэг нь энэ гайхамшигт цамхаг.