Хун бол тийм ч нөхөрсөн таатай шувуу биш. Хүмүүстэй дасч нөхөрлөх нь бүү хэл өөр хунд эзэмшлээ алдахгүйн төлөө нэлээд хэрцгий араншин гарагдаг шувуу.
Харин өөрийг нь аварсан хүнд талархлаа илэрхийлэн урт хүзүүгээрээ хүзүүг нь ороож тэвэрсэн хунгийн зураг дэлхий дахиныг, ялангуяа шувуу судлаачдын гайхшралыг өөрийн эрхгүй төрүүлсэн байна.

Британийн телевизийн сэтгүүлч, хөтлөгч Ричард Виз нэг удаа Абботсберрийн тусгай хамгаалалттай газраар зугаалж явтал хөөрхий хун хашаан дунд гацчихаад өөрөө тэндээсээ гарч чадахгүй шаналж байж. Ричард зөөлөн дөхсөөр шувууг түүнээс нь салгаж өгтөл хун баярлаж талархсанаа илэрхийлэн урт сайхан хүзүүгээрээ Рузын хүзүүг ороон их биеэрээ цээжинд нь наалдан “тэвэрсэн” байна.

“Энэ бол жинхэнэ гайхамшигт мэдрэмж. Зэрлэг амьтан, тэр дундаа шувуу хүнд ингэж хандана гэдэг” гэж Ричард ярьсан байна.
 
Улмаар Виз хунг эмч үзэж шархыг нь цэвэрлэхэд тусалсан байна.