Австралийн агаарын тээврийн “Qantas” компанийн ерөнхий захирал Алан Жойсыг Перт хотын Hyatt Regency зочид буудалд болсон албан ёсны арга хэмжээн дээр үг хэлж байхад нь костюмтай, ажил хэрэгч байрын нэгэн эрэгтэй ойртож очоод нүүрэнд нь том бялуу нааж орхисон байна.

Хамгаалалтын ажилтнууд халдсан залууг газар дээр нь барьж цагдаад тушаажээ. Гэхдээ тэр эрэгтэй юуны төлөө, яагаад ийм үйлдэл хийснийг дурдаагүй байна.

Жойс нүүр амаа цэвэрлэснийхээ дараа үгээ үргэлжлүүлээд дараа нь сэтгүүлчдэд “энэ бол надад шинэ сургамж” боллоо гэжээ. Тэр зүгээр л “Үүнээс хойш Пертэд ирэхдээ химийн сайн цэвэрлэгээ хийх хэрэгтэй юм байна гэж бодлоо” гэсэн байна.

Жойс баруун австралийн сониноос зохион байгуулдаг “Удирдлагуудын асуулт” сэдэвт өглөөний цай, ярилцлагад оролцож байсан юм байна. Энд нь Ричард Брэнсон, Австралийн ерөнхий сайд асан Жон Ховард нарын хүндтэй зочид ч байжээ.