Дэлхийн хамгийн бяцхан шувуудын нэг соно бялзуухайтай адилхан жижигхэн тагнуулч тун удахгүй хүмүүсийн олж мэдэж чадаагүй нууцуудыг илрүүлж эхлэх нь. Калифорнийн “AeroVironment” компанийн инженерүүд “Nano Air Vehicle” буюу NAV хэмээх хоёр далавчит бяцхан онгоц бүтээжээ. Ердөө 18.74 гр жинтэй энэ онгоц цагт 17.7 километр хүртэл хурдлах чадалтай бөгөөд бүхий л чиглэлд нисэх, хажуу тийш огцом эргэх чадвартай, алсаас удирддаг онгоц аж. Мэдээж энэ онгоц ямар нэг зүйл тээвэрлэхгүй бөгөөд түүнд суулгасан видео камер нь хүний хүрч чадахгүй газарт ажиглалт хийх, мэдээлэл цуглуулах ёстой юм. Тиймээс бяцхан шувуухай тагнуулын мэдээлэл цуглуулахаас эхлээд гамшгийн бүсэд нурж сүйдсэн барилга дотор хүн байгаа эсэхийг мэдэхэд ч ашиглаж болно гэсэн үг.