Колумбын баруун нутагт Манисалес хотод долоо хоногийн өмнө хөрс гулгаж 17 хүн амь алдан, өөр бас долоон хүн сураггүй болсон. Гэтэл дөрөвдүгээр сарын 22-ны өдөр эвдэрч сүйрсэн хотын тэнгэрт Иисус Христийн дүр харагдаж олныг гайхшруулсан байна.

Хотын дээрх үүлсийн дундуур тусах гэрэлд гараа алдалсан Христ бурхны дүр харагдахад ихээхэн сүсэгтэй колумбачууд үнэхээр итгэцгээжээ. Дүрс бичлэг авсан нэгэн “Ээ бурхан минь, минй ариун гэгээн бурхан бидний гамшиг, гашууг хуваалцахаар ирлээ. Тэр Бурхан зогсч байна, хараач” гэж ярьж байгаа нь бичлэгт үлджээ.