Аргентины Сан-Хосе-де-Метан хот дахь Гэгээн Мария бурхны баримал гэнэт цусаар уйлж олныг гайхшруулжээ. Энэ нь хэдэн хоног үргэлжилж, энэ гайхамшгийг нүдээр үзэх гэсэн хүмүүс энэ байшин руу хэдэн өдрийн турш цувсан гэж нүдээр үзсэн хүмүүс ярьсан байна.

Байшингийн эзэгтэй Росана Мендоса бурхны баримлынхаа дэргэд байсан ваарыг өөрчлөхөөр ойртож очих үед нь гэнэт бурхны мэлмийгээс цусан нулимс гарч эхэлсэн гэнэ. Эмэгтэй нүдээр үзсэндээ итгэж ядан гайхаж бурхнаа өөрийг нь хөдөлгөхөөр оролдох үед нулимс нь бүр их гарч тэр өдөржингөө цусан нулимс гарч байжээ.

Энд очиж үзсэн мөргөлч Алехандро Наварро энэ гайхамшгийн тухай ярихдаа өөрөө ч бас уйлж байсан гэнэ. Тэрээр өдөр бүр ийшээ ирж Гэгээн Марияд мөргөн гэр бүлийнхэндээ туслаач хэмээн залбирдаг юм байна. Тосгоны гэгээнтэн Густаво Паредес ч бас энд очиж нүдээр үзсэн гэнэ.
Ийм явдал Парагвайн Вильяррика хотын сүмд  бас тохиолдож Гэгээн Мария бурхан энэ удаа энгийн нулимсаар уйлж байжээ.